பேரவைத் தேர்தலில் திமுக கூடுதல் இடங்களில் வெல்லும்

வருகிற சட்டப்பேரவைத் தேர்தலில் திமுக கூடுதல் இடங்களில் வெல்லும் என்றார் நகராட்சி நிர்வாகம் மற்றும் குடிநீர் வழங்கல் துறை அமைச்சர் கே.என்.நேரு.

- 

திருநெல்வேலி, ஜூன் 17:

திருநெல்வேலியில் செய்தியாளர்களிடம் அவர் செவ்வாய்க்கிழமை கூறியதாவது: முன்னாள் முதல்வர் மு.கருணாநிதியால் கொண்டு வரப்பட்ட சிற்றுந்து திட்டம் விரிவுபடுத்தப்பட்டிருப்பது மக்களுக்கு மிகவும் பயனுள்ளதாக அமையும்.

முதல்கட்டமாக தமிழகம் முழுவதும் சுமார் 180 வழித்தடங்களில் சிற்றுந்துகள் இயக்கப்பட உள்ளன. நகர்ப்புறம் விரிவடைந்து வரும் சூழலில் பள்ளி மற்றும் கல்லூரிகளுக்குச் செல்லும் மாணவர்கள், பொதுமக்கள் வசதிக்காகவே சிற்றுந்து திட்டம் விரிவுபடுத்தப்பட்டுள்ளது.