ஈஷா அறக்கட்டளை விவகாரம் உயர்நீதிமன்ற உத்தரவில் தலையிட உச்சநீதிமன்றம் மறுப்பு

சுற்றுச்சூழல் விதிகளை மீறியதாகக் கூறப்படும் விவகாரத்தில் ஈஷா அறக்கட்டளைக்கு எதிராக தமிழக மாசுக் கட்டுப்பாட்டு வாரியம் மூலம் அனுப்பப்பட்ட விளக்கம் கேட்கும் நோட்டீஸை ரத்து செய்த சென்னை உயர்நீதிமன்ற உத்தரவில் தலையிட உச்சநீதிமன்றம் வெள்ளிக்கிழமை மறுத்துவிட்டது.

- நமது நிருபர்

புது தில்லி, பிப். 28:

மேலும், அந்த அமைப்பு நடத்திவரும் யோகா, தியானம் மையத்துக்கு எதிராக நிர்ப்பந்த நடவடிக்கை எடுக்கக் கூடாது எனவும் உத்தரவிட்டது.

கோவையில் வெள்ளியங்கிரி மலைகளின் அடிவாரத்தில் சுற்றுச்சூழல் முன் அனுமதி இல்லாமல் ஜக்கி வாசுதேவின் ஈஷா அறக்கட்டளை கட்டுமானம் மேற்கொண்டதற்கு எதிராக தமிழ்நாடு மாசுக் கட்டுப்பாட்டு வாரியத்தின் விளக்கம் கேட்கும் நோட்டீஸை ரத்து செய்த சென்னை உயர்நீதிமன்ற உத்தரவை உச்சநீதிமன்ற நீதிபதிகள் சூர்ய காந்த், என்.கோடீஸ்வர் சிங் ஆகியோர் அடங்கிய அமர்வு உறுதி செய்தது.

மேலும், அனைத்து சுற்றுச்சூழல் விதிமுறைகள் மற்றும் வழிகாட்டுதல்களையும் பின்பற்ற வேண்டும் என்றும் கேட்டுக் கொண்டது.