போபால் ஆலைக் கழிவுகள் சோதனை முறையில் எரிப்பு

ம.பி. உயர்நீதிமன்றம் அனுமதி

- 

ஜபல்பூர், பிப். 18: மத்திய பிரதேச மாநிலம், போபாலில் கடந்த 1984-இல் விஷவாயு கசிந்த ஆலையில் இருந்து அப்புறப்படுத்தப்பட்ட கழிவுகளை எரிப்பதற்கான மூன்று கட்ட சோதனைக்கு மாநில உயர் நீதிமன்றம் செவ்வாய்க்கிழமை அனுமதி வழங்கியது.

போபாலில் இயங்கிவந்த யூனியன் கார்பைட் பூச்சிக்கொல்லி உற்பத்தி ஆலையில், கடந்த 1984-ஆம் ஆண்டு டிசம்பர் 2, 3-ஆம் தேதிகளுக்கு இடைப்பட்ட இரவில் மெத்தில் ஐசோசயனேட் என்ற விஷவாயு கசிந்தது. இந்த விஷவாயு தாக்கத்தால் 5,479 பேர் உயிரிழந்தனர்; ஆயிரக்கணக்கானோருக்கு தீவிரமான மற்றும் நீண்ட கால உடல் நல பாதிப்புகள் ஏற்பட்டன. இச்சம்பவத்தைத் தொடர்ந்து மூடப்பட்ட ஆலையில் 40 ஆண்டுகளாக நச்சு கழிவுகள் அகற்றப்படாமல் இருந்தன.