அம்மாபேட்டை பூலோகநாதர் சுவாமி கோயிலில் குடமுழுக்கு

தஞ்சாவூர் மாவட்டம், அம்மாபேட்டை கீழ்கோவில்பத்து கிராமத்தில் அமைந்துள்ள ஸ்ரீ பூலோக நாயகி அம்மன் சமேத ஸ்ரீ பூலோகநாதர் சுவாமி கோயில் குடமுழுக்கு விழா ஞாயிற்றுக்கிழமை நடைபெற்றது.

- 

பாபநாசம், செப்.14:

குடமுழுக்கு விழா கடந்த செப்.7-ஆம் தேதி அனுக்ஞை, விக்னேஸ்வர பூஜையுடன் தொடங்கியது. தொடர்ந்து பல்வேறு சிறப்பு பூஜைகள் நடைபெற்று, ஞாயிற்றுக்கிழமை காலை ஆறாம் கால யாகசாலை பூஜைகள் நிறைவடைந்து மகா பூர்ணாஹூதி நடைபெற்றது.

இதை தொடர்ந்து யாகசாலையில் வைத்து பூஜிக்கப்பட்ட புனித நீர் நிரம்பிய கடங்கள் புறப்பாடு செய்யப்பட்டு சிவாச்சாரியர்கள் கோபுர கலசங்களுக்கு புனித நீர் ஊற்றி குடமுழுக்கு செய்தனர்.