இறுதிக்கட்டத்தில் இந்தியா-பிரிட்டன் வர்த்தக ஒப்பந்தப் பேச்சு

இந்தியா-பிரிட்டன் இடையிலான தடையற்ற வர்த்தக ஒப்பந்தம் உள்பட 3 ஒப்பந்தங்களுக்காக நடைபெற்று வரும் பேச்சுவார்த்தை இறுதிக்கட்டத்தை எட்டியுள்ளதாகத் தகவலறிந்த வட்டாரங்கள் தெரிவித்தன.

- 

புது தில்லி, ஏப். 30:

இதுதொடர்பான பேச்சுவார்த்தை நடத்த வர்த்தக மற்றும் தொழில் துறை அமைச்சர் பியூஷ் கோயல் இந்த வாரம் மீண்டும் லண்டனுக்கு செல்ல உள்ளதாக கூறப்படுகிறது.

இது தொடர்பாக அரசு வட்டாரங்கள் மேலும் கூறியதாவது: இந்தியா-பிரிட்டன் இடையே பேச்சுவார்த்தை நடைபெற்று வரும் தடையற்ற வர்த்தக ஒப்பந்தம், இருதரப்பு முதலீட்டு ஒப்பந்தம், சமூக பாதுகாப்பு ஒப்பந்தம் ஆகிய 3 ஒப்பந்தங்களிலும் சில சிக்கல்கள் இன்னும் தீர்க்கப்படாமல் நிலுவையில் உள்ளன.