சபரிமலையில் பெண்களை அனுமதிக்கும் வழக்கு; 'புதிய பிரமாண பத்திரம் தாக்கல் செய்யவில்லை'

சபரிமலை ஐயப்பன் கோயிலுக்குள் பெண்களை அனுமதிக்கும் வழக்கில், 2016-ஆம் ஆண்டுக்குப் பிறகு புதிதாக பிரமாண பத்திரம் எதுவும் தாக்கல் செய்யப்படவில்லை என்று அந்தக் கோயிலை நிர்வகிக்கும் திருவாங்கூர் தேவஸ்வ வாரியம் (டிடிபி) தலைவர் பி.எஸ்.பிரசாந்த் தெரிவித்தார்.

- 

பத்தனம்திட்டா, செப்.10:

கேரளத்தில் உள்ள சபரிமலை ஐயப்பன் கோயிலுக்குள் 10 முதல் 50 வயதுள்ள சிறுமிகள் மற்றும் பெண்கள் நுழைவதைத் தடுப்பது அரசியல் சாசனத்துக்கு எதிரானது என்று கடந்த 2018-ஆம் ஆண்டு உச்சநீதிமன்றத்தில் 5 நீதிபதிகள் அடங்கிய அரசியல் சாசன அமர்வு தீர்ப்பளித்தது.