தரவரிசைப் பட்டியல்: மீன்வளப் பல்கலை. வெளியீடு

நிகழாண்டு இளநிலை மீன்வளப் பட்டப் படிப்பு மாணவர் சேர்க்கைக்கான தரவரிசைப் பட்டியலை தமிழ்நாடு ஜெ.ஜெயலலிதா மீன்வளப் பல்கலைக்கழகம் வெள்ளிக்கிழமை வெளியிட்டது.

- 

நாகப்பட்டினம், ஜூலை 18:

இந்தப் பல்கலைக்கழகத்தின் கீழ் செயல்படும் கல்லூரிகளில் பல்வேறு இளநிலை மீன்வளப் பட்டப்படிப்புகளுக்கு, 2025-26-ஆம் கல்வியாண்டின் மாணவர் சேர்க்கைக்கான கலந்தாய்வு நடைபெற உள்ளது.

அதற்கான தரவரிசைப் பட்டியலை, பல்கலைக்கழகத் துணைவேந்தர் நா. ஃபெலிக்ஸ் வெளியிட்டு கூறியது: பல்கலைக்கழகத்தின் கீழ் செயல்படும் 10 உறுப்புக் கல்லூரிகள், 1 இணைப்புத் தனியார் கல்லூரியில் உள்ள 434 இடங்கள் கலந்தாய்வு மூலம் நிரப்பப்பட உள்ளன. இதில், மீன்வள அறிவியலுக்காக 156, மீன்வளப் பொறியியலுக்காக 30, மீன்வள உயிர்தொழில்நுட்பம் மற்றும் உணவுத் தொழில்நுட்பப் படிப்புகளுக்கு தலா 40, இளநிலை வணிக நிர்வாகவியல் படிப்புக்கு 20 மற்றும் இளநிலை தொழிற்கல்வி (B.Voc.) படிப்புகளுக்கு 75 இடங்கள் உள்ளன.