தொழில்சார் நோய்கள்... பணி பாதுகாப்பு...

தொழிலாளர்கள் உழைக்கிறார்கள். ஆனால் அவர்கள் பாதுகாப்பான சூழலில் வேலை செய்கிறார்களா? தொழில்சார்ந்த நோய்களுக்கு ஆளாகாமல் இருக்கிறார்களா? என்பது குறித்தெல்லாம் நாம் அதிகம் யோசித்ததில்லை.

- ஐவி.நாகராஜன்

தொழிலாளர்கள் உழைக்கிறார்கள். ஆனால் அவர்கள் பாதுகாப்பான சூழலில் வேலை செய்கிறார்களா? தொழில்சார்ந்த நோய்களுக்கு ஆளாகாமல் இருக்கிறார்களா? என்பது குறித்தெல்லாம் நாம் அதிகம் யோசித்ததில்லை. நாட்டில் 63 கோடி பேர் பல்வேறு பணிகளில் ஈடுபட்டுள்ளனர். இதில் 20 கோடிக்கும் அதிகமானவர்கள் பெண்கள். வேலை செய்பவர்களில் 45 சதவீதம் பேர் விவசாயத்திலும், தொழில்துறையில் 25 சதவீதம் பேரும், சேவைத் துறையில் 30 சதவீதம் பேரும் பணியாற்றுகின்றனர் என்கிறது சர்வதேச தொழிலாளர் அமைப்பு.

தொழிலாளர்கள் தங்கள் பணியை பாதுகாப்புடனும், ஆரோக்கியத்துடனும் செய்வதற்கான சூழல் இருக்கவேண்டும் என்பது குறித்து விழிப்புணர்வை ஏற்படுத்துவதற்காக ஒவ்வொரு ஆண்டும் ஏப்ரல் 28-ஆம் தேதி வேலையில் பாதுகாப்பு மற்றும் ஆரோக்கியத்திற்கான உலக தினம் அனுசரிக்கப்பட்டு வருகிறது. பணியிடத்தில் பாதுகாப்பு மற்றும் சுகாதாரம் தொடர்பான விழிப்புணர்வை ஏற்படுத்துதல், தொழில்சார்ந்த நோய்கள் மற்றும் விபத்துகளைத் தடுத்தல், தொழிலாளர்களின் உடல்நலம் மற்றும் பாதுகாப்பை மேம்படுத்துதல் ஆகியவை குறித்து இந்த நாளில் பேசப்படவேண்டும் என்கிறது சர்வதேச தொழிலாளர் நிறுவனம்.