திருச்செந்தூர் கோயில் குடமுழுக்கு விழா: பொறுப்பு அலுவலர்கள் நியமனம்

திருச்செந்தூர் அருள்மிகு சுப்பிரமணிய சுவாமி திருக்கோயில் குடமுழுக்கு விழாவை சிறப்பாக நடத்த பொறுப்பு அலுவலர்கள் நியமனம் செய்யப்பட்டுள்ளனர்.

- 

திருச்செந்தூர், ஜூன் 16:

இக்கோயிலில் ஜூலை 7-ஆம் தேதி குடமுழுக்கு விழா நடைபெற உள்ளது. இதற்காக கடந்த 2 ஆண்டுகளாக நடைபெற்ற திருப்பணிகள் தற்போது இறுதி கட்டத்தை எட்டியுள்ளன. குடமுழுக்கின் பிரதானமான யாகசாலை பூஜைகள் நடப்பதற்காக ராஜகோபுர வாசல் அருகே 8 ஆயிரம் சதுர அடியில் யாகசாலை மண்டபம் அமைக்கப்பட்டு வருகிறது. யாகசாலை பூஜைகள் ஜூலை 1-ஆம் தேதி தொடங்குகிறது. 76 குண்டங்கள் வைக்கப்பட்டு, 12 கால யாகசாலை பூஜைகள் நடைபெற உள்ளது. அதைத் தொடர்ந்து ஜூலை 7-ஆம் தேதி காலை 6.15 முதல் காலை 6.50 மணிக்குள் கும்பாபிஷேகம் நடைபெற உள்ளது.