திருச்செந்தூர் கோயிலில் யாகசாலை முகூர்த்தக் கால் நடும் விழா

திருச்செந்தூர் அருள்மிகு சுப்பிரமணிய சுவாமி திருக்கோயிலில் கும்பாபிஷேக யாகசாலை அமைப்பதற்கான முகூர்த்தக் கால் நடும் விழா ஞாயிற்றுக்கிழமை நடைபெற்றது.

- 

திருச்செந்தூர், மே 18:

இக்கோயிலில் 15 ஆண்டுகளுக்குப் பின் மகா கும்பாபிஷேகம், வரும் ஜூலை 7ஆம் தேதி நடைபெற உள்ளது. இதற்காக 2023ஆம் ஆண்டு முதல் திருப்பணிகள் முழு வீச்சில் நடைபெற்று வருகின்றன. மேலும், ஹெச்சிஎல் நிறுவனம் சார்பில் ரூ.200 கோடி, அறநிலையத் துறை ஒதுக்கீடு செய்த ரூ.100 கோடி என ரூ.300 கோடியில் பெருந்திட்ட வளாகப் பணிகளும் ஒருசேர நடைபெற்று வருகின்றன.

கும்பாபிஷேக யாகசாலை பூஜைகள் ஜூலை 1இல் தொடங்க உள்ள நிலையில், மூலவரான சுப்பிரமணியருக்கு திருக்கோயில் உள்பிரகாரத்திலும், சுவாமி சண்முகருக்கு கோயில் கிரி பிரகாரத்தில் ராஜகோபுரம் மேலவாசல் அருகேயுள்ள இடத்திலும் யாகசாலை அமைக்கப்பட உள்ளன.