எட்டயபுரம் அருகே தாய்-மகள் கொலை வழக்கு; 2 பேர் கைது; நகை-பணம் மீட்பு

தூத்துக்குடி மாவட்டம் எட்டயபுரம் அருகே தாய்-மகள் கொலை வழக்கில் 2 பேரை கைது செய்து, நகை-பணத்தை மீட்டதாக, மாவட்ட காவல் கண்காணிப்பாளர் ஆல்பர்ட் ஜான் தெரிவித்துள்ளார்.

- 

தூத்துக்குடி/ விளாத்திகுளம், மார்ச் 6: தூத்துக்குடி மாவட்டம் எட்டயபுரம் அருகே தாய்-மகள் கொலை வழக்கில் 2 பேரை கைது செய்து, நகை-பணத்தை மீட்டதாக, மாவட்ட காவல் கண்காணிப்பாளர் ஆல்பர்ட் ஜான் தெரிவித்துள்ளார்.

இதுகுறித்து அவர் வெளியிட்ட செய்திக்குறிப்பு: எட்டயபுரம் அருகே மேலநம்பிபுரத்தைச் சேர்ந்த சீதாலட்சுமி (75), அவரது மகள் ராமஜெயந்தி (45) ஆகிய இருவரையும் கடந்த 3ஆம் தேதி மர்ம நபர்கள் கொலை செய்து, நகை, பணத்தைக் கொள்ளையடித்துச் சென்றனர். இதுதொடர்பாக எட்டயபுரம் போலீஸார் 4 பிரிவுகளில் வழக்குப் பதிந்தனர்.

கூடுதல் காவல் கண்காணிப்பாளர் தலைமையில் 10 தனிப்படைகள் அமைக்கப்பட்டு, குற்றவாளிகளைத் தேடும் பணி தீவிரப்படுத்தப்பட்டது.