'உண்மையான திரிணமூல் காங்கிரஸ்' அங்கீகாரம்

மக்களவைத் தலைவரைச் சந்திக்கிறது அதிருப்தி அணி

- 

'உண்மையான திரிணமூல் காங்கிரஸ்' என்ற அங்கீகாரம் கோரி, மக்களவைத் தலைவர் ஓம் பிர்லாவை அக்கட்சியின் அதிருப்தி எம்.பி.க்கள் திங்கள்கிழமை சந்திக்க வுள்ளது.

தங்களது அணியில் இதுவரை 19 எம்.பி.க்கள் இணைந்துள்ளதாக அதிருப்தி எம்.பி. ஜகதீஷ் சந்திர பர்மா பசுனியா வெள்ளிக்கிழமை தெரிவித்தார்.

மேற்கு வங்க பேரவைத் தேர்தலில் மூன்றில் இருபங்குக்கும் அதிக பெரும்பான்மை (207) பலத்துடன் பாஜக வெற்றி பெற்று, ஆட்சியைக் கைப்பற்றிய நிலையில், மம்தா பானர்ஜி தலைமையிலான திரிணமூல் காங்கிரஸ் கட்சிக்கு 80 இடங்களே கிடைத்தன. இந்தத் தோல்வியால், திரிணமூல் காங்கிரஸ் கட்சி நிலைகுலைந்துள்ளது. மம்தாவின் தலைமைக்கு எதிராக கட்சி பிளவுபட்டுள்ளது.