நாடாளுமன்றம் இன்று மீண்டும் கூடுகிறது

மக்களவைத் தலைவருக்கு எதிரான தீர்மானம் தாக்கல்

- 

பரபரப்பான அரசியல் சூழலில், நாடாளுமன்ற பட்ஜெட் கூட்டத்தொடரின் இரண்டாம் கட்ட அமர்வு திங்கள் கிழமை (மார்ச் 9) தொடங்குகிறது.

மக்களவைத் தலைவர் ஓம் பிர்லாவை பதவி நீக்கக் கோரும் எதிர்க்கட்சிகளின் தீர்மானம், விவாதம் மற்றும் வாக்கெடுப்புக்காக முதல் நாளில் தாக்கலாக உள்ளது.

ஏப். 2 வரை நடைபெறும் இந்த அமர்வில் மேற்காசிய போர் நிலவரம், ஈரான் மீதான மத்திய அரசின் நிலைப்பாடு, அமெரிக்க அனுமதியின்பேரில் ரஷிய எண்ணெய் கொள்முதல் உள்ளிட்ட விவகாரங்களை எதிர்க்கட்சிகள் எழுப்பும் என எதிர்பார்க்கப்படுகிறது.

கூட்டத் தொடர் கடந்த ஜன. 28-ஆம் தேதி குடியரசுத் தலைவர் உரையுடன் தொடங்கியது. கடந்த பிப்.13-ஆம் தேதியுடன் நிறைவடைந்த முதல்கட்ட அமர்வில் எதிர்க்கட்சிகள் தொடர்ந்து அமளியில் ஈடுபட்டன.