பணிக்குத் திரும்பிய நிகிதா: மாணவிகள், பேராசிரியைகள் அதிர்ச்சி

மடப்புரம் கோயில் காவலாளி மீது புகார் அளித்த பேராசிரியை நிகிதா, மருத்துவ விடுப்பு முடிந்து திண்டுக்கல் அரசு மகளிர் கல்லூரிப் பணிக்கு திங்கள்கிழமை திரும்பியதானது மாணவிகள், பேராசிரியைகள் மத்தியில் அதிர்ச்சியை ஏற்படுத்தியது.

- 

திண்டுக்கல், ஜூலை 7:

சிவகங்கை மாவட்டம், திருப்புவனத்தை அடுத்த மடப்புரம் பத்ரகாளியம்மன் கோயில் காவலாளி அஜித்குமார் தனிப்படை போலீஸாரால் அடித்துக் கொலை செய்யப்பட்ட சம்பவம், தமிழகம் முழுவதும் பரபரப்பை ஏற்படுத்தியது. இந்த விவகாரத்தில், அஜித்குமார் நகைகளைத் திருடியதாக திருப்புவனம் காவல் நிலையத்தில் புகார் அளித்த நிகிதா, திண்டுக்கல் எம்.வி.எம். அரசு மகளிர் கல்லூரியில் தாவரவியல் துறைத் தலைவராகப் பணியாற்றி வருகிறார்.