மணிப்பூர்: மைதேயி, குகி சமூகப் பிரதிநிதிகளுடன் மத்திய அரசு அமைதிப் பேச்சுவார்த்தை

வன்முறையால் பாதிக்கப்பட்ட மணிப்பூரில் அமைதியை மீட்டெடுக்கும் முயற்சியாக மைதேயி மற்றும் குகி சமூகங்களின் பிரதிநிதிகளுடன் மத்திய அரசு சனிக்கிழமை பேச்சுவார்த்தை நடத்தியதாகத் தகவல் அறிந்த வட்டாரங்கள் தெரிவித்தன.

- 

புது தில்லி, ஏப். 5: வன்முறையால் பாதிக்கப்பட்ட மணிப்பூரில் அமைதியை மீட்டெடுக்கும் முயற்சியாக மைதேயி மற்றும் குகி சமூகங்களின் பிரதிநிதிகளுடன் மத்திய அரசு சனிக்கிழமை பேச்சுவார்த்தை நடத்தியதாகத் தகவல் அறிந்த வட்டாரங்கள் தெரிவித்தன.

கடந்த 2023-ஆம் ஆண்டு, மே மாதம் முதல் இரு சமூகங்களுக்கிடையே நடந்து வரும் மோதலுக்கு சுமுகத் தீர்வைக் காணும் மத்திய அரசின் முயற்சிகளின் ஒரு பகுதியாக இந்தக் கூட்டம் நடத்தப்பட்டுள்ளது.

இதுகுறித்து மத்திய அரசு வட்டாரங்கள் மேலும் தெரிவித்ததாவது:

குடியரசுத் தலைவர் ஆட்சி நடைபெற்று வரும் மணிப்பூரில் அமைதி மற்றும் இயல்புநிலையை மீட்டெடுப்பதற்கான வழியைக் கண்டறிவதற்காகவும் மைதேயி மற்றும் குகி சமூகத்தினரிடையே நல்லிணக்கத்தை மேம்படுத்துவதையும் நோக்கமாகக் கொண்டு இந்தப் பேச்சுவார்த்தை நடத்தப்பட்டது.