சேப்பாக் பிளே ஆஃபுக்கு தகுதி

டிஎன்பிஎல் கிரிக்கெட்டின் 17-ஆவது ஆட்டத்தில், சேப்பாக் சூப்பர் கில்லீஸ் 6 விக்கெட்டுகள் வித்தியாசத்தில் எஸ்கேஎம் சேலம் ஸ்பார்டன்ஸை வியாழக்கிழமை வீழ்த்தியது.

- 

சேலம், ஜூன் 19:

இத்துடன் தோல்வியே காணாமல் தொடர்ந்து 5 வெற்றிகளை பதிவு செய்த சேப்பாக், முதல் அணியாக பிளே ஆஃப் சுற்றுக்குத் தகுதி பெற்றது. சேலம் 5 ஆட்டங்களில் 3-ஆவது தோல்வியை சந்தித்தது.

இந்த ஆட்டத்தில் முதலில் சேலம் 20 ஓவர்களில் 7 விக்கெட்டுகள் இழப்புக்கு 160 ரன்கள் சேர்க்க, சேப்பாக் 16.3 ஓவர்களில் 4 விக்கெட்டுகள் இழப்புக்கு 162 ரன்கள் எடுத்து வெற்றி பெற்றது.