பஞ்சாப் வெள்ளம்: உயிரிழப்பு 46-ஆக உயர்வு

பஞ்சாபில் கடந்த சில ஆண்டுகளாக இல்லாத அளவுக்கு கொட்டித் தீர்த்த மழையால் மாநிலம் முழுவதும் வெள்ள நீர் சூழ்ந்துள்ளது. இதில் உயிரிழந்தோரின் எண்ணிக்கை 46-ஆக உயர்ந்ததாக அதிகாரிகள் தெரிவித்தனர்.

- 

சண்டீகர்/ஜெய்பூர், செப்.6:

சட்லஜ், பியாஸ் மற்றும் ராவி ஆகிய நதிகளின் நீர்மட்டம் உயர்வு மற்றும் வழக்கத்தைவிட அதிக அளவிலான மழை போன்ற காரணங்களால் கடந்த சில ஆண்டுகளில் இல்லாத அளவுக்கு பஞ்சாபில் வெள்ளம் ஏற்பட்டுள்ளதாக கூறப்படுகிறது.

இதனால் அங்கு போர்க்கால அடிப்படையில் தேசிய பேரிடர் மீட்புப் படை சார்பில் 24 குழுக்களும் மாநில பேரிடர் மீட்புப் படை சார்பில் 2 குழுக்களும் முழுவீச்சில் நிவாரண பணிகளை மேற்கொண்டு வருகின்றன.