நங்கூரமிட்ட நால்வர்: 'டிரா' செய்த இந்தியா

இங்கிலாந்துக்கு எதிரான 4-ஆவது டெஸ்ட்டை இந்தியா ஞாயிற்றுக்கிழமை டிரா செய்தது.

- 

மான்செஸ்டர், ஜூலை 27: இங்கிலாந்துக்கு எதிரான 4-ஆவது டெஸ்ட்டை இந்தியா ஞாயிற்றுக்கிழமை டிரா செய்தது.

2-ஆவது இன்னிங்ஸை தடுமாற்றத்துடன் தொடங்கிய இந்தியா, கேப்டன் ஷுப்மன் கில், கே.எல். ராகுல், ரவீந்திர ஜடேஜா, வாஷிங்டன் சுந்தர் ஆகியோரின் நங்கூரம்போன்ற நிலையான ஆட்டத்தால் சுதாரித்துக் கொண்டு, கடைசி நாளில் டிரா செய்தது.

இதையடுத்து 5 ஆட்டங்கள் கொண்ட இந்தத் தொடரில் இங்கிலாந்து 2-1 என்ற முன்னிலையில் நீடிக்கிறது.

முன்னதாக, மான்செஸ்டர் நகரில் கடந்த புதன்கிழமை தொடங்கிய இந்த ஆட்டத்தில் டாஸ் வென்ற இங்கிலாந்து, பந்துவீச்சை தேர்வு செய்தது. இந்திய அணியின் டாப் ஆர்டர்கள் சோபிக்க, மிடில் ஆர்டரில் ஷர்துல் தாக்குர் பங்களிப்புடன் 358 ரன்களுக்கு இந்தியா ஆட்டமிழந்தது. இங்கிலாந்து பௌலிங்கில் பென் ஸ்டோக்ஸ் அசத்தினார்.