மார்க்சிஸ்ட் கட்சி வழக்கு 3 நீதிபதிகள் அமர்வுக்கு மாற்றம்

கொடிக் கம்பங்களை அகற்றும் தனி நீதிபதி உத்தரவை எதிர்த்து மார்க்சிஸ்ட் கம்யூனிஸ்ட் கட்சி தொடர்ந்த மேல்முறையீட்டு வழக்கை விசாரிக்க 3 நீதிபதிகள் அடங்கிய முழு அமர்வை அமைத்து சென்னை உயர்நீதிமன்றம் உத்தரவிட்டுள்ளது.

- 

சென்னை, ஜூலை 16:

தமிழகம் முழுவதும் பொது இடங்கள், தேசிய மற்றும் மாநில நெடுஞ்சாலைகள், உள்ளாட்சி அமைப்புகளுக்குச் சொந்தமான இடங்களில் அனுமதியின்றி வைக்கப்பட்டுள்ள அரசியல் கட்சிகள், ஜாதி, மத அமைப்புகள் மற்றும் சங்கங்களின் சார்பில் வைக்கப்பட்டுள்ள கொடிக் கம்பங்களை அகற்ற வேண்டும் என உயர்நீதிமன்ற மதுரை அமர்வில் நீதிபதி ஜி.கே.இளந்திரையன் உத்தரவிட்டார்.

இந்த உத்தரவை நீதிபதி ஜெ.நிஷா பானு தலைமையிலான இரு நீதிபதிகள் அமர்வும் உறுதி செய்தது.