கிரிப்டோ சொத்து விவரங்கள்: இந்தியா உள்பட 74 நாடுகளுடன் பகிர ஸ்விட்சர்லாந்து திட்டம்

கிரிப்டோ சொத்துகளில் அந்தந்த நாட்டினர் செய்துள்ள முதலீடுகள் தொடர்பான விவரங்களை இந்தியா உள்பட 74 நாடுகளுடன் பகிர ஸ்விட்சர்லாந்து திட்டமிட்டுள்ளது.

- 

புது தில்லி, ஜூன் 6:

இதுதொடர்பான அறிவிப்பை அந்நாடு வெள்ளிக்கிழமை வெளியிட்டது. இது, வெளிநாட்டில் கிரிப்டோ எண்ம நாணயத்தில் இந்தியர்கள் செய்த முதலீடுகளை அறிய உதவும்.

ஸ்விட்சர்லாந்தில் உள்ள வங்கிகளில் இந்தியர்கள் கணக்கில் காட்டப்படாத பணத்தை பதுக்கி வைப்பது தொடர்கதையாகி வந்த நிலையில், இதுகுறித்த விவரங்கள் மற்றும் பிற நிதி சார்ந்த சொத்து விவரங்களை பகிர்ந்துகொள்ள இந்தியாவும் ஸ்விட்சர்லாந்தும் ஏற்கெனவே உடன்பாடு மேற்கொண்டுள்ளன.