தலைமைச் செயலகம் முற்றுகை போராட்டம்: 1,871 மாற்றுத் திறனாளிகள் கைது

ஆந்திர மாநிலத்தில் வழங்குவதைப்போல, தமிழகத்திலும் மாற்றுத் திறனாளிகளுக்கான மாதாந்திர உதவித்தொகையை உயர்த்தி வழங்க வேண்டும், புதிதாக விண்ணப்பித்து காத்திருக்கும் மாற்றுத்திறனாளிகளுக்கும், தகுதியான அனைவருக்கும் உதவித்தொகையை உடனடியாக வழங்க வேண்டும், மகாத்மா காந்தி தேசிய வேலைவாய்ப்பு உறுதித் திட்டத்தில் விண்ணப்பித்த அனைவருக்கும் 100 நாள்கள் வேலை வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி, தமிழ்நாடு அனைத்து வகை மாற்றுத் திறனாளிகள் மற்றும் பாதுகாப்போர் உரிமைகளுக்கான சங்கம் சார்பில் தலைமைச் செயலகம் நோக்கி முற்றுகை போராட்டம் நடத்தப்படும் என அறிவிக்கப்பட்டிருந்தது.

- 

சென்னை, ஏப். 22:

இப்போராட்டத்துக்கு காவல் துறை அனுமதி மறுத்திருந்த நிலையில், தடையை மீறி திட்டமிட்டபடி செவ்வாய்க்கிழமை காலையில் தமிழகத்தின் பல்வேறு மாவட்டங்களிலிருந்து பேருந்துகள், ரயில்கள் மற்றும் வாகனங்கள் மூலம் ஏராளமான மாற்றுத்திறனாளிகள் போராட்டத்தில் கலந்துகொள்ள சென்னை வந்தனர்.