நாடாளுமன்ற வளாகத்தில் திமுக கூட்டணி எம்.பி.க்கள் ஆர்ப்பாட்டம்

மத்திய அரசின் தேசிய கல்விக் கொள்கை, மத்திய அமைச்சர் தர்மேந்திர பிரதானின் செயல்பாட்டுக்கு எதிர்ப்புத் தெரிவித்து நாடாளுமன்ற வளாகத்தில் திமுக கூட்டணி எம்.பி.க்கள் செவ்வாய்க்கிழமை ஆர்ப்பாட்டத்தில் ஈடுபட்டனர்.

- நமது சிறப்பு நிருபர்

நமது சிறப்பு நிருபர் புது தில்லி, மார்ச் 11:

இந்த விவகாரம் தொடர்பாக ஏற்கெனவே மக்களவையில் மத்திய கல்வித் துறை அமைச்சர் தர்மேந்திர பிரதானுக்கும், திமுக எம்.பி.க்களுக்கும் இடையே திங்கள்கிழமை காரசார விவாதம் நடைபெற்றது.

தமிழக அரசு, எம்.பி.க்கள் குறித்து சர்ச்சைக்குரிய வார்த்தையை அமைச்சர் தர்மேந்திர பிரதான் பயன்படுத்தியதாக அவர் மீது உரிமை மீறல் நடவடிக்கை எடுக்கக் கோரும் நோட்டீஸை மக்களவைத் தலைவரிடம் திமுக எம்.பி.க்கள் அளித்தனர்.