ராணுவச் சட்டத்தை அமல்படுத்திய வழக்கு: தென் கொரிய முன்னாள் அதிபருக்கு 5 ஆண்டுகள் சிறை

ராணுவச் சட்டத்தை அமல்படுத்தியது தொடர்பான வழக்கில் தென் கொரிய முன்னாள் அதிபர் யூன் சுக் யோலுக்கு அந்நாட்டு நீதிமன்றம் 5 ஆண்டுகள் சிறைத் தண்டனை விதித்து வெள்ளிக்கிழமை தீர்ப்பளித்தது.

- 

இது 2024, டிசம்பரில் அவர் சர்ச்சைக்குரிய வகையில் அமல்படுத்திய ராணுவச் சட்டம் தொடர்பான 8 குற்றவியல் வழக்குகளில் வழங்கப்பட்ட முதல் தீர்ப்பாகும். இந்தச் சட்டமே அவரது பதவி நீக்கத்திற்கும் வழிவகுத்தது.

ராணுவச் சட்டப் பிரகடனத்தைத் திரித்துக் கூறியது மற்றும் சட்டப்படி கட்டாயமான முழு அமைச்சரவைக் கூட்டத்தைத் தவிர்த்தது ஆகிய குற்றங்களுக்காக அவருக்கு இந்த தண்டனை வழங்கப்பட்டது.