நவீன போர்முறையில் ட்ரோன்களின் பங்களிப்பு முக்கியம்

‘நவீன போர் முறையில் ட்ரோன்களின் பங்களிப்பு முக்கியம். நமது போர்க்கொள்கையில் அவற்றையும் சேர்க்க வேண்டியது அவசியம்’ என்று மத்திய பாதுகாப்புத் துறை அமைச்சர் ராஜ்நாத் சிங் தெரிவித்தார்.

- 

நொய்டா, ஆக. 30:

தில்லியை அடுத்த நொய்டாவில் தனியார் நிறுவனம் ஒன்றின் ராணுவத் தளவாட உற்பத்திப் பிரிவை அவர் சனிக்கிழமை திறந்துவைத்தார். அப்போது அவர் பேசியதாவது:

தற்சார்பு பாரதம் என்ற லட்சியக் கண்ணோட்டம் இங்கு பிரதிபலிக்கிறது. விமானம் என்ற சொல்லைக் கேட்டதும் நமக்கு தேஜஸ், ரஃபேல் ஆகிய போர் விமானங்கள் மற்றும் ஜெட்கள் ஆகியவற்றின் படங்கள் நினைவுக்கு வரும். இவை அனைத்தும் தாக்குதல் விமானங்களாகும்.

எனினும் மாறிவரும் இன்றைய சூழலில் இத்துறையில் ட்ரோன்கள் குறிப்பிடத்தக்க சக்தியாக உருவெடுத்துள்ளன. மிகப்பெரிய விமானங்கள் எட்ட முடியாத பகுதிகளிலும் ட்ரோன்கள் தற்போது குவிக்கப்படுகின்றன.