மாநில அளவில் இணையதளம் மூலம் 16.28 லட்சம் பேர் பதிவு

மாவட்டந்தோறும் முதல்வர் கோப்பைக்கான விளையாட்டு போட்டியில் பங்கேற்க மாநில அளவில் மொத்தம் 16.28 லட்சம் பேர் இணையதளம் மூலம் பதிவு செய்துள்ளதாகவும், அதில் பள்ளி, கல்லூரி மாணவ, மாணவிகளின் பங்கேற்பு 13.28 லட்சம் பேர் என அதிகரித்து வருவதாகவும் விளையாட்டுத் துறை அதிகாரிகள் தெரிவித்தனர்.

- 

திருவள்ளூர், ஆக. 24:

நிகழாண்டில் பள்ளி, கல்லூரி மாணவ, மாணவிகள், பொதுமக்கள், அரசு ஊழியர்கள் மற்றும் மாற்றுத்திறனாளிகள் என 5 வகைகளில் தடகளம், பூப்பந்து, கூடைப்பந்து, மட்டைப்பந்து, கால்பந்து, ஹாக்கி, கபடி, சிலம்பம், நீச்சல், டேபிள் டென்னிஸ், கைப்பந்து, கேரம், சதுரங்கம், கோ-கோ, மேஜை பூப்பந்து மற்றும் மாற்றுத்திறனாளிகளுக்கான விளையாட்டுப் போட்டிகள் வரும் 26-இல் தொடங்கி, தொடர்ந்து செப்.12-ஆம் தேதி வரையில் நடத்த திட்டமிடப்பட்டுள்ளது. அத்துடன் இதற்காக மாநில அளவில் மாவட்டந்தோறும் தலா ரூ. 40 லட்சம் ஒதுக்கீடு செய்யப்பட்டுள்ளது.