புதுச்சேரியில் விநாயகர் சதுர்த்தி விழா; மாவட்ட ஆட்சியர் ஆலோசனை

புதுச்சேரியில் அமைதியான முறையில் விநாயகர் சதுர்த்தி விழா கொண்டாடுவது, சிலைகளைக் கடலில் கரைப்பது தொடர்பாக மாவட்ட ஆட்சியர் அ. குலோத்துங்கன் தலைமையில் புதன்கிழமை ஆலோசனைக் கூட்டம் நடந்தது.

- 

புதுச்சேரி, ஆக.13:

வரும் 27-ம் தேதி விநாயகர் சதுர்த்தி விழாவை முன்னிட்டு புதுச்சேரியில் சிலைகள் பிரதிஷ்டை மற்றும், வரும் 31 ஆம் தேதி சிலைகளைக் கடலில் கரைப்பது தொடர்பாகவும் மற்றும் அதற்கான பாதுகாப்பு ஏற்பாடுகள் தொடர்பாகவும் ஆலோசனைக் கூட்டம் மாவட்ட ஆட்சியர் அ. குலோத்துங்கன் தலைமையில் புதன்கிழமை நடைபெற்றது.

கூட்டத்தில் சார்பு ஆட்சியர்கள் இசிட்டா ரதி, அங்கித்குமார் மற்றும் காவல்துறை, பேரிடர் மேலாண்மை துறை, வருவாய்துறை, பொதுப்பணித்துறை, தீயணைப்புத்துறை, மாசுக்கட்டுப்பாட்டு வாரியம், நகராட்சி நிர்வாக அதிகாரிகள், அனைத்து கொம்யூன் பஞ்சாயத்து ஆணையர்கள் பங்கேற்றனர்.