கல்வி, நிதி விவகாரங்களை நாடாளுமன்றத்தில் எழுப்புவோம்

மொழி, கல்வி, நிதி உரிமைகளில் தமிழ்நாட்டை வஞ்சித்து வரும் மத்திய அரசுக்கு எதிராக நாடாளுமன்றத்தில் குரல் எழுப்ப திமுக எம்.பி.க்கள் கூட்டத்தில் தீர்மானம் நிறைவேற்றப்பட்டது.

- 

சென்னை, ஜூலை 18:

திமுக எம்.பி.க்கள் கூட்டம் அண்ணா அறிவாலயத்தில் வெள்ளிக்கிழமை நடைபெற்றது. முதல்வரும், திமுக தலைவருமான மு.க. ஸ்டாலின் தலைமை வகித்து, மழைக்கால கூட்டத்தொடரில் திமுக எம்.பி.க்கள் எவ்வாறு செயல்பட வேண்டும் என்பது தொடர்பாக அறிவுரை வழங்கினார்.

இந்தக் கூட்டத்தில் நிறைவேற்றப்பட்ட தீர்மானங்கள்: கடந்த 11 ஆண்டுகளாக தமிழ்நாட்டை மத்திய பாஜக அரசு வஞ்சித்து வருகிறது. இதை நாடாளுமன்றத்தில் எடுத்துரைத்து, தமிழ்நாட்டுக்கான கல்வி, நிதி உள்ளிட்ட உரிமைகளை நிலைநாட்டுவோம்.