தமிழகத்தில் இன்று வெப்பம் அதிகரிக்கும்

தமிழகத்தில் ஓரிரு இடங்களில் வியாழக்கிழமை (ஜூலை 10) அதிகபட்ச வெப்பநிலை இயல்பைவிட 4 டிகிரி செல்சியஸ் அதிகமாக இருக்கும் என சென்னை வானிலை ஆய்வு மையம் தெரிவித்துள்ளது.

- 

சென்னை, ஜூலை 9:

இதுகுறித்து அந்த மையம் சார்பில் புதன்கிழமை வெளியிடப்பட்ட செய்திக் குறிப்பு:

தமிழகத்தில் புதன்கிழமை அதிகபட்சமாக மதுரை விமான நிலையத்தில் 105.8 டிகிரி ஃபாரன்ஹீட் வெப்பநிலை பதிவானது.

மதுரை நகரம் - 103.64, சென்னை மீனம்பாக்கம் - 102.92, வேலூர் - 102.38, தூத்துக்குடி, நாகை - (தலா) 102.2, ஈரோடு - 101.48, திருச்சி - 101.3, சென்னை நுங்கம்பாக்கம், கடலூர் - (தலா) 101.12, தஞ்சாவூர், பரமத்திவேலூர் - (தலா) 100.4, பாளையங்கோட்டை - 100.04 டிகிரி என மொத்தம் 13 இடங்களில் வெயில் சதமடித்துள்ளது.