ஏழை மாணவர்களுக்கான விடுதிகள் 'சமூகநீதி விடுதி' என பெயர் மாற்றம்

முதல்வர் மு.க.ஸ்டாலின் அறிவிப்பு

- 

சென்னை, ஜூலை 7: தமிழகத்தில் உள்ள ஏழை மாணவர்களுக்கான பள்ளி, கல்லூரிகளின் விடுதிகள், இனி 'சமூகநீதி விடுதி' என்ற பொதுப்பெயரால் அழைக்கப்படும் என முதல்வர் மு.க.ஸ்டாலின் அறிவிப்பு வெளியிட்டார்.

இதுகுறித்து தமிழக அரசு சார்பில், திங்கள்கிழமை வெளியிடப்பட்ட செய்திக் குறிப்பு:

பள்ளிகளில் ஏற்படும் ஜாதிய மோதல்களைத் தடுப்பதற்கான வழிமுறைகளை ஆராய ஓய்வுபெற்ற நீதிபதி சந்துரு தலைமையில் ஆணையம் அமைக்கப்பட்டது. இந்த ஆணையம் பல்வேறு முக்கிய பரிந்துரைகளை அரசுக்கு வழங்கியது. அதில், பள்ளியின் பெயர்களில், ஜாதி பெயர்கள் இருக்கக் கூடாது, தனிமனிதர் பெயரில் வைத்திருந்தால் அந்தப் பெயரோடும் ஜாதி இருக்கக் கூடாது என்று தெரிவிக்கப்பட்டுள்ளது. இதனை தமிழ்நாடு அரசு நன்கு பரிசீலித்தது.