புதுவைக்கு மாநில அந்தஸ்து கோரி தில்லியில் 27-இல் ஆர்ப்பாட்டம்

புதுச்சேரிக்கு மாநில அந்தஸ்து அளிக்கக் கோரி மத்திய அரசை வலியுறுத்தி தில்லி ஜந்தர் மந்தர் பகுதியில் வரும் 27-ஆம் தேதி ஆர்ப்பாட்டம் நடத்த உள்ளதாக சுயேச்சை எம்எல்ஏ ஜி. நேரு கூறினார்.

- ஜி.நேரு எம்எல்ஏ

புதுச்சேரி, ஜூன் 24:

இது குறித்து அவர் செய்தியாளர்களிடம் செவ்வாய்க்கிழமை கூறியது: புதுச்சேரி பிரெஞ்சு ஆட்சியிலிருந்து இந்தியாவுடன் இணைந்த பகுதி. புதுச்சேரி மக்களின் உரிமைகளை மீறிச் செயல்படக்கூடாது என்றுதான் அப்போதே பிரெஞ்சு ஆட்சியாளர்களுடன் ஒப்பந்தம் ஏற்பட்டுள்ளது. புதுச்சேரிக்கு மாநில அந்தஸ்து வழங்க வேண்டும் என்று சட்டப்பேரவையில் 16 முறை தீர்மானம் நிறைவேற்றப்பட்டுள்ளது.