காஸா: இஸ்ரேல் துப்பாக்கிச் சூட்டில் 27 பேர் உயிரிழப்பு

காஸாவில் உணவுப் பொருள் விநியோக மையத்தை நோக்கி செவ்வாய்க்கிழமை சென்று கொண்டிருந்த 27 பாலஸ்தீனர்கள் இஸ்ரேல் படையினரால் சுட்டுக்கொல்லப்பட்டனர்.

- 

டேய்ர் அல்-பாலா, ஜூன் 3:

இது குறித்து அசோசியேட்டட் பிரஸ் செய்தி நிறுவனம் தெரிவித்துள்ளதாவது:

ராஃபா நகரில் அமெரிக்க ஆதரவுடன் செயல்படும் காஸா மனிதாபிமான அறக்கட்டளையின் (ஜிஹெச்எஃப்) நிவாரணப் பொருள் விநியோக மையங்களை நோக்கி ஏராளமானவர்கள் செவ்வாய்க்கிழமை சென்று கொண்டிருந்தனர். அப்போது அவர்களில் சிலரை நோக்கி இஸ்ரேல் ராணுவம் துப்பாக்கியால் சுட்டது. இதில் 27 பேர் உயிரிழந்தனர்.

கடந்த 3 நாள்களில் நிவாரண முகாம்களை நோக்கி வருவோர் மீது இஸ்ரேல் படையினர் துப்பாக்கிச் சூடு நடத்தியது இது மூன்றாவது முறை.

இருந்தாலும், தங்கள் மீது தாக்குதல் நடத்தலாம் என்று சந்தேகிக்கப்படுபவர்கள் மீதுதான் தற்காப்புக்காக துப்பாக்கிச் சூடு நடத்துவதாக இஸ்ரேல் ராணுவம் தெரிவித்துள்ளது.