புதுவை தனியார் கல்வி நிறுவனங்களின் 56 வாகனங்களுக்கு ஆய்வில் அனுமதி மறுப்பு

புதுச்சேரியில் சனிக்கிழமை நடைபெற்ற கல்வி நிறுவனங்களுக்கான வாகன ஆய்வின்போது, 56 வாகனங்களுக்கு அனுமதி மறுக்கப்பட்டது என அதிகாரிகள் தெரிவித்தனர்.

- 

புதுச்சேரி, மே 31:

புதுவை மாநில போக்குவரத்துத் துறை ஆண்டுதோறும் கல்வி நிறுவன வாகனங்கள் விதிமுறைப்படி பாதுகாப்பு வசதிகளைக் கொண்டுள்ளதா, ஓட்டுநர், நடத்துநர்கள் உள்ளனரா, வாகனங்கள் இயங்கும் நிலையில் உள்ளனவா என ஆய்வு மேற்கொண்டு வருகிறது.

அதன்படி நிகழாண்டுக்கான கல்வி நிறுவன வாகனங்கள் ஆய்வு புதுச்சேரி மேட்டுப்பாளையம் சரக்கு ஊர்தி முனையத்தில் சனிக்கிழமை காலை நடைபெற்றது.

புதுவை மாநில அளவில் கல்வி நிறுவனங்களில் 1100 வாகனங்கள் உள்ளன. அவற்றில் புதுச்சேரி மேட்டுப்பாளையம் ஊர்தி முனையத்தில் நடைபெற்ற ஆய்வுக்கு 256 வாகனங்கள் சோதனைக்கு உட்படுத்தப்பட்டன.