துருக்கி: குர்து பிரிவினைவாத அமைப்பு கலைப்பு

துருக்கியில் அரசை எதிர்த்து சுமார் 40 ஆண்டுகளாக ஆயுதக் கிளர்ச்சியில் ஈடுபட்டு வந்த குர்திஸ்தான் தொழிலாளர் கட்சி (பிகேகே) கலைக்கப்படுவதாக அந்தக் கட்சி திங்கள்கிழமை அதிகாரபூர்வமாக அறிவித்தது.

- 

இஸ்தான்புல், மே 12:

இது குறித்து அந்த அமைப்புக்கு நெருக்கமான ஃபிராட் செய்தி நிறுவனம் தெரிவித்துள்ளதாவது:

பிகேகே அமைப்பின் போராட்டம் குர்து இனத்தவர்களின் பிரச்னைகளை ஜனநாயக முறையிலான தீர்வுகளை நோக்கிக் கொண்டு சென்றுள்ளது. அந்த வகையில், அமைப்பின் நோக்கம் முழுமையாக நிறைவேறிவிட்டது.

எனவே, அமைப்பை முழுமையாகக் கலைத்துவிட்டு, ஆயுதங்களைக் கைவிட அமைப்பின் நிர்வாகக் குழு அதிகாரபூர்வமாக முடிவெடுத்துள்ளது என்று அந்தச் செய்தி நிறுவனம் தெரிவித்துள்ளது.