திமுக அரசின் சாதனை விளக்க பொதுக்கூட்டம்

திருவண்ணாமலை மாவட்டம், செங்கம், செய்யாறு மற்றும் போளூர் பகுதியில் திமுக அரசின் 4 ஆண்டுகள் சாதனை விளக்கப் பொதுக்கூட்டம் மற்றும் கட்சியின் 5-ஆம் ஆண்டு தொடக்க விழா வெள்ளிக்கிழமை இரவு நடைபெற்றது.

- 

செங்கம்/செய்யாறு/போளூர், மே 10:

செங்கம் மத்திய ஒன்றிய திமுக சார்பில் செ.நாச்சிப்பட்டு கிராமத்தில் நடைபெற்ற பொதுக்கூட்டத்தில் ஒன்றியச் செயலர் ஏழுமலை வரவேற்றார்.

தொகுதி எம்எல்ஏ மு.பெ.கிரி தலைமை வகித்துப் பேசுகையில், திமுக அரசு பொறுப்பேற்று 4 ஆண்டுகளில் செங்கம் பகுதியில் பல்வேறு திட்டப் பணிகள் நடைபெற்றுள்ளன. அதில், இப்பகுதி மக்களின் நீண்ட நாள் கோரிக்கையை நிறைவேற்றும் வகையில், செய்யாற்றின் குறுக்கே மண்மலையில் இருந்து செ.நாச்சிப்பட்டு கிராமத்துக்கு செல்வதற்காக மேம்பாலம் கட்டி முடிக்கப்பட்டு பயன்பாட்டில் உள்ளது.

அதேபோல, செங்கம் நகருக்கு நீதிமன்றத்தில் இருந்து மண்மலை வரை 3 கி.மீ. தொலைவுக்கு புறவழிச் சாலை அமைக்கப்பட்டு வருகிறது.

செங்கம் அரசு தலைமை மருத்துவமனையில் அவசர சிகிச்சைப் பிரிவு தொடங்கப்பட்டுள்ளது.