கல் மணிகள் குறித்த அகழாய்வு அறிவிப்புக்கு வரவேற்பு

கடலூர் மாவட்டம், புதுச்சத்திரம் அருகே உள்ள மணிக்கொல்லை கிராமத்தில் கல் மணிகள் குறித்து அகழாய்வு நடத்தப்படும் என்று தமிழக நிதிநிலை அறிக்கையில் அறிவிக்கப்பட்டுள்ளதற்கு தொல்லியல் ஆய்வாளர்கள் வரவேற்பு தெரிவித்துள்ளனர்.

- 

சிதம்பரம், மார்ச் 14:

இதுகுறித்து 2009-ஆம் ஆண்டு ஆய்வு மேற்கொண்ட தொல்லியல் ஆய்வாளரும், தஞ்சாவூர் குந்தவை நாச்சியார் அரசு மகளிர் கலைக் கல்லூரி உதவிப் பேராசிரியருமான ஜெ.ஆர்.சிவராமகிருஷ்ணன் (படம்) கூறியதாவது:

முத்து ஏற்றுமதிக்கு பாண்டிய நாடும், அழகிய கல் மணிகள் தயாரிப்பு, ஏற்றுமதிக்கு கொங்கு நாடும், கடலூர் மாவட்டமும் புகழ்பெற்ற வைகளாக விளங்கின.

தமிழக கடற்கரை நகரங்களில் ரோம், தமிழக வணிகர்களுக்கிடையே நடைபெற்ற வர்த்தகத்தை நேரில் பார்த்து ஆய்வு செய்தவர் தாலமி.

கல்மணிகள்: அழகிய கல்மணிகள் தயாரிப்பில் புகழ்பெற்ற கொடுமணல் ஈரோடு மாவட்டம் நொய்யில் உள்ளது. இங்கு 1985 முதல் 2013 வரை நடைபெற்ற அகழாய்வுகளில் சுமார் 8,000-க்கும் மேற்பட்ட கல் மணிகள் கிடைத்தன.