தேர்தல் ஆணையத்துடன் திரிணமூல் காங்கிரஸ் பிரதிநிதிகள் சந்திப்பு

திரிணமூல் காங்கிரஸ் கட்சியின் மாநிலங்களவைக் குழுத் தலைவர் டெரிக் ஓபிரையன் தலைமையிலான 10 பேர் குழு தேர்தல் ஆணையத்தின் முழு அமர்வை தில்லியில் வெள்ளிக்கிழமை சந்தித்து ஆலோசனை மேற்கொண்டது.

- 

மேற்கு வங்க மாநிலத்தில் வாக்காளர் பட்டியல் சிறப்பு தீவிர திருத்தப் பணி (எஸ்ஐஆர்) மேற்கொள்ளப்பட்டு வருகிறது.

இது தொடர்பாக, டெரிக் ஓபிரையன் கோரிக்கையை ஏற்று தேர்தல் ஆணையம் விடுத்த அழைப்பின்பேரில் இந்த ஆலோசனைக் கூட்டம் நடைபெற்றது.

திரிணமூல் காங்கிரஸ் மக்களவை எம்.பி.க்கள் சதாப்தி ராய், கல்யாண் பானர்ஜி, பிரதீமா மோண்டல், சஜத் அகமது, மஹுவா மொய்த்ரா மற்றும் மாநிலங்களவை உறுப்பினர்கள் டோலா சென், மம்தா தாக்கூர், சாகெத் கோகலே, பிரகாஸ் சிக் பரிக் உள்ளிட்டோர் இந்தக் குழுவில் இடம்பெற்றிருந்தனர்.

தேர்தல் ஆணையம் பதிலளிக்கவில்லை:

இந்தச் சந்திப்பின் போது திரிணமூல் காங்கிரஸ் சார்பில் எழுப்பப்பட்ட கேள்விகளுக்கு தேர்தல் ஆணையம் எந்தவித பதிலையும் அளிக்கவில்லை என்று அக்கட்சி சார்பில் புகார் தெரிவிக்கப்பட்டது.

தேர்தல் ஆணையத்துடனான சந்திப்புக்குப் பிறகு செய்தியாளர்களைச் சந்தித்த டெரிக் ஓபிரையன், 'தேர்தல் ஆணையத்துடனான சந்திப்பின்போது திரிணமூல் காங்கிரஸ் சார்பில் 5 கேள்விகள் எழுப்பப்பட்டன.