தேவை... திறன்களை மதிப்பிடும் முறை!

கேரள மாநிலத்தின் கல்வித் துறை அண்மையில் ஒரு சுற்றறிக்கை வெளியிட்டுள்ளது. அதன்படி, எட்டாம் வகுப்பு பயிலும் மாணவர்களில் இறுதித் தேர்வில் 30 சதவீத மதிப்பெண்களுக்குக் குறைவாக எடுப்பவர்கள், குறிப்பிட்ட கால அளவு சிறப்பு பயிற்சி எடுத்துக் கொண்டு மீண்டும் தேர்வெழுத வேண்டும்.

- முனைவர் என்.மாதவன்

கேரள மாநிலத்தின் கல்வித் துறை அண்மையில் ஒரு சுற்றறிக்கை வெளியிட்டுள்ளது. அதன்படி, எட்டாம் வகுப்பு பயிலும் மாணவர்களில் இறுதித் தேர்வில் 30 சதவீத மதிப்பெண்களுக்குக் குறைவாக எடுப்பவர்கள், குறிப்பிட்ட கால அளவு சிறப்பு பயிற்சி எடுத்துக் கொண்டு மீண்டும் தேர்வெழுத வேண்டும். அவ்வாறு தேர்வெழுதி தேர்ச்சி பெறுவோர் மட்டும் அடுத்த வகுப்புக்கு அனுப்பப்படுவர். அப்படியும் 30 சதவீத மதிப்பெண் எடுக்க இயலாதோர் எட்டாம் வகுப்பிலேயே மீண்டும் பயில வேண்டும். இதற்கான கால அட்டவணையையும் வெளியிட்டுள்ளது. அதன்படி, ஏப்ரல் 8 முதல் 24 வரை மாணவர்களுக்கு சிறப்பு பயிற்சி அளிக்கப்படும். ஏப்ரல் 25 முதல் 28 வரை தேர்வுகள் நடைபெறும்.

ஏப்ரல் 30 - ஆம் தேதி தேர்வு முடிவுகள் வெளியாகும். 'ஓராண்டைச் சேமியுங்கள்' (சேவ் ஏ இயர்) என்ற தலைப்பில் இந்த திட்டம் அமல்படுத்தப்பட உள்ளது. கேரளத்தில் செயல்படும் 3,136 பள்ளிகளில் பயிலும் மாணவர்களில் தேர்ச்சி அடைய இயலாதோர் இந்தத் தேர்வை அணுக உள்ளனர்.

நல்வாய்ப்பாக ஹிந்தி பாடத்தில் 13 சதவீத மாணவர்களும், ஆங்கில பாடத்தில் 8 சதவீத மாணவர்களும் இந்தத் திட்டத்தின் படி தேர்வை அணுக உள்ளதாக செய்திகள் வெளியாகியுள்ளன. அடுத்தடுத்த ஆண்டுகளில் 9 மற்றும் 10 -ஆம் வகுப்புகளுக்கு இந்த முறை நீட்டிக்கப்பட உள்ளது. தமிழகத்திலும் 10 மற்றும் 12 ஆம் வகுப்புகளுக்கு டித் தேர்வு நடத்தப்படுவதும் நாம் அறிந்ததே.

முனைவர் என்.மாதவன்