சேலம் சிறார் இல்லத்திலிருந்து வடமாநில சிறுவர்கள் 7 பேர் தப்பியோட்டம்

சேலம் சிறார் இல்லத்திலிருந்து வடமாநில சிறுவர்கள் 7 பேர் சனிக்கிழமை தப்பிச் சென்றனர்; அவர்களை போலீஸார் தேடி வருகின்றனர்.

- 

சேலம், ஏப். 6:

மகாராஷ்டிரத்தில் இருந்து சேலம் வழியாக ரயிலில் குழந்தைத் தொழிலாளர்கள் கடத்தப்படுவதாக கிடைத்த தகவலின் பேரில் சேலம் 'சைல்டு ஹெல்ப்லைன்' கண்காணிப்பாளர் இலக்கியா,ரயில்வே போலீஸார், பாதுகாப்புப் படையினர் சேலம் சந்திப்பு ரயில் நிலையத்தில் கடந்த மாதம் 27 ஆம் தேதி தீவிர கண்காணிப்பில் ஈடுபட்டனர்.

அப்போது, கேரளா விரைவு ரயிலில் இருந்து சந்தேகத்துக்கு இடமளிக்கும் வகையில் இறங்கி வந்த நபர், நடைமேடையில் ஏற்கெனவே நின்றுகொண்டிருந்த 2 பேரை சந்தித்து பேசினார்; அவர்களுடன் 7 சிறுவர்கள் இருந்தனர்.