மேக்கேதாட்டு அணை திட்ட அறிக்கைக்கு தடை விதிக்க மறுப்பு: தலைவர்கள் கருத்து

மேக்கேதாட்டு அணை தொடர்பான கர்நாடக அரசின் விரிவான திட்ட அறிக்கைக்கு உச்சநீதிமன்றம் தடைவிதிக்க மறுத்தது அதிர்ச்சி அளிப்பதாக அதிமுக பொதுச் செயலர் எடப்பாடி கே.பழனிசாமி உள்ளிட்ட தமிழக அரசியல் கட்சிகளின் தலைவர்கள் கருத்து தெரிவித்துள்ளனர்.

- 

இதுகுறித்து எடப்பாடி பழனிசாமி 'எக்ஸ்' தளத்தில் வியாழக்கிழமை வெளியிட்ட பதிவு: தமிழகத்தை பாலைவனமாக்கும் கர்நாடக அரசின் இந்த முயற்சிக்கு எதிர்ப்பு தெரிவித்து உச்சநீதிமன்றத்தில் கடுமையான வாதங்களை முன்வைக்காமல், இந்த உத்தரவுக்கு வழிவகுத்த முதல்வர் மு.க. ஸ்டாலினுக்கு கண்டனத்தை தெரிவித்துக்கொள்கிறேன்.