தில்லி அரசுப் பள்ளி வகுப்பறை கட்டுமான ஊழல் புகார்: 37 இடங்களில் அமலாக்கத் துறை சோதனை

முந்தைய ஆம் ஆத்மி அரசின் ஆட்சிக் காலத்தில் அரசுப் பள்ளி வகுப்பறைகள் கட்டுவதில் ரூ.2,000 கோடிக்கு முறைகேடு நடைபெற்றதாக எழுந்த குற்றச்சாட்டு தொடர்பாக தில்லியில் உள்ள பல இடங்களில் அமலாக்கத் துறை புதன்கிழமை சோதனை நடத்தியதாக அதிகாரப்பூர்வ வட்டாரங்கள் தெரிவித்தன.

- 

புது தில்லி, ஜூன் 18:

இந்தக் குற்றச்சாட்டு தொடர்பாக தில்லி லஞ்ச ஒழிப்புத் துறை (ஏபிசி) பதிவு செய்த முதல் தகவல் அறிக்கையின் அடிப்படையில், பணமோசடி தடுப்புச் சட்டத்தின் கீழ் அமலாக்கத் துறை குற்ற வழக்கை அண்மையில் பதிவு செய்தது.

இந்த வழக்கில் தொடர்புடைய 37 ஒப்பந்ததாரர்கள் மற்றும் தனியார் நிறுவனங்களுக்குச் சொந்தமான இடங்களில் அமலாக்கத் துறை அதிகாரிகள் சோதனை நடத்தியதாக அந்த வட்டாரங்கள் தெரிவித்தன.