குடிமைப் பணிகள் தேர்வு முறைகேடு: பூஜா கேத்கருக்கு உச்சநீதிமன்றம் முன்ஜாமீன்

குடிமைப் பணிகள் தேர்வு முறைகேடு வழக்கில், முன்னாள் ஐஏஎஸ் பயிற்சி அதிகாரி பூஜா கேத்கருக்கு முன்ஜாமீன் அளித்து உச்சநீதிமன்றம் புதன்கிழமை உத்தரவிட்டது.

- 

புது தில்லி, மே 21:

மகாராஷ்டிர மாநிலம் புணேயில் ஐஏஎஸ் பயிற்சி அதிகாரியாகப் பணியாற்றியவர் பூஜா கேத்கர். குடிமைப் பணிகள் தேர்வில் மோசடியில் ஈடுபட்டு, இதர பிற்படுத்தப்பட்ட வகுப்பினர் மற்றும் மாற்றுத்திறனாளிகளுக்கான இடஒதுக்கீடு பலன்களை பெற்றதாக அவர் மீது குற்றச்சாட்டு எழுந்தது.

இதுதொடர்பாக மத்திய அரசுப் பணியாளர் தேர்வாணையம் (யுபிஎஸ்சி) அளித்த புகாரின் அடிப்படையில், அவர் மீது தில்லி காவல் துறை வழக்குப் பதிவு செய்தது.