குடியரசு துணைத் தலைவர், பிரதமர், ஆளுநர், தலைவர்கள் வாழ்த்து

தமிழக முதல்வர் ஜோசப் விஜய்யின் 52-ஆவது பிறந்த நாளையொட்டி (ஜூன் 22), அவருக்கு குடியரசு துணைத் தலைவர் சி.பி. ராதாகிருஷ்ணன், பிரதமர் நரேந்திர மோடி தமிழக ஆளுநர் ஆர்.வி. ஆர்லேகர் மற்றும் திமுக தலைவர் மு.க.ஸ்டாலின், அதிமுக பொதுச் செயலர் எடப்பாடி கே. பழனிசாமி உள்ளிட்ட தலைவர்கள் வாழ்த்து தெரிவித்தனர்.

- 

குடியரசு துணைத் தலைவர் சி.பி. ராதாகிருஷ்ணன்: தமிழக முதல்வர் விஜய், தொடர்ந்து அர்ப்பணிப்புடனும் தொலைநோக்குப் பார்வையுடனும் தமிழக மக்களுக்குச் சேவையாற்ற, நல்ல ஆரோக்கியம், நீண்ட ஆயுள் மற்றும் அபாரமான வலிமையைப் பெற வாழ்த்துகிறேன். வரவிருக்கும் ஆண்டு அவருக்குப் புதிய ஆற்றலையும், ஞானத்தையும், மாநிலத்தின் முன்னேற்றம், வளம் மற்றும் அனைவரையும் உள்ளடக்கிய வளர்ச்சியை மேம்படுத்துவதில் வெற்றியையும் தரட்டும்.

பிரதமர் நரேந்திர மோடி: தமிழக முதல்வர் சி.ஜோசப் விஜய்க்கு பிறந்த நாள் வாழ்த்துகள். அவர் நீண்ட மற்றும் ஆரோக்கியமாக வாழ பிரார்த்திக்கிறேன்.