திருபுவனம் பேரூராட்சியில் சாலை அமைக்கும் பணிகள் தஞ்சை மாவட்ட ஆட்சியர் ஆய்வு செய்ய உத்தரவு

திருபுவனம் பேரூராட்சியில் சாலை அமைக்கும் பணிகளை தஞ்சை மாவட்ட ஆட்சியர், திட்ட அலுவலர் ஆய்வு செய்ய சென்னை உயர்நீதிமன்ற மதுரை அமர்வு செவ்வாய்க்கிழமை உத்தரவிட்டது.

- 

மதுரை, ஆக. 5 :

தஞ்சை மாவட்டம், திருபுவனத்தைச் சேர்ந்த வழக்குரைஞர் கோகுல் தாக்கல் செய்த மனு:

திருபுவனம் பேரூராட்சியில் புகழ்வாய்ந்த ஸ்ரீகம்பஹரேஸ்வர் கோயில் உள்ளது. கோயிலுக்கு பல்வேறு மாவட்டங்களில் இருந்தும் பக்தர்கள் வந்து செல்கின்றனர்.

இந்த நிலையில், திருபுவனம் பேரூராட்சி வார்டு எண் 10-இல் 1.43 கோடியில் கோயில் சந்நிதி பாதையில் பாதசாரிகள் நடைபாதை, மழைநீர் வடிகால் கட்டுமானப் பணிகள் மேற்கொள்ளப்பட்டு வருகின்றன.