தனியார் பேருந்துகளின் இயக்க நேரம்; திருச்சி மாநகராட்சி ஆணையர் பதிலளிக்க உத்தரவு

திருச்சியிலிருந்து கரூருக்கு இயக்கப்படும் தனியார் பேருந்துகளின் இயக்க நேரத்தை மாற்றக் கோரிய வழக்கில், திருச்சி மாநகராட்சி ஆணையர், வட்டாரப் போக்குவரத்து மண்டல அலுவலர் ஆகியோர் பதிலளிக்க சென்னை உயர்நீதிமன்ற மதுரை அமர்வு திங்கள்கிழமை உத்தரவிட்டது.

- 

மதுரை, ஆக. 4:

கரூர் மாவட்டத்தைச் சேர்ந்த குணசேகரன் உள்பட 13 தனியார் பேருந்து உரிமையாளர்கள் சென்னை உயர்நீதிமன்ற மதுரை அமர்வில் தாக்கல் செய்த மனு:

திருச்சி மத்தியப் பேருந்து நிலையத்திலிருந்து கரூருக்கு 81 கி.மீ. தொலைவு உள்ளது. பயண நேரம் 2 மணி நேரம் 15 நிமிடங்கள் ஆகிறது. பேருந்து சென்று வரக்கூடிய கால அவகாசத்தை வைத்து கடந்த 1996-ஆம் ஆண்டு இந்த இயக்க நேரம் நிர்ணயம் செய்யப்பட்டது.