திருநின்றவூர் நகராட்சி பெண் உறுப்பினர் கொலை: கணவர் உள்பட 3 பேர் கைது

திருநின்றவூர் நகராட்சி பெண் உறுப்பினரை கொன்ற வழக்கில் அவரது கணவர் உள்பட 3 பேரை போலீஸார் வெள்ளிக்கிழமை கைது செய்தனர்.

- 

ஆவடி, ஜூலை 4:

திருநின்றவூர் பெரிய காலனி மேட்டுத் தெருவைச் சேர்ந்தவர் ஸ்டீபன் ராஜ் (32). இவர் விசிக நகரச் செயலராகப் பணியாற்றி வருகிறார். இவரது மனைவி கோமதி(28). இவர் திருநின்றவூர் நகராட்சி 26-ஆவது வார்டு உறுப்பினராக (விசிக) இருந்து வந்தார். இவர்களுக்கு 3 மகன்களும், 1 மகளும் உள்ளனர்.

இந்த நிலையில் கோமதிக்கு, திருநின்றவூர் முத்தமிழ் நகரைச் சேர்ந்த ரௌடியுடன் சமூக வலைத்தளம் வாயிலாக அறிமுகம் ஏற்பட்டுள்ளது. மேலும் நாளடைவில் அவருடன் கோமதிக்கு தகாத உறவும் இருந்துள்ளதாக கூறப்படுகிறது.