பூட்டப்பட்ட பள்ளியை மீண்டும் திறக்கக் கோரிக்கை

திருப்பரங்குன்றத்தை அடுத்த ஹார்விபட்டியில் கடந்த 80 ஆண்டுகளாகச் செயல்பட்டு வந்த அரசு உதவிபெறும் பள்ளியை மீண்டும் திறக்க தமிழக அரசு நடவடிக்கை எடுக்க வேண்டும் என இந்தப் பகுதி பெற்றோர் கோரிக்கை விடுத்தனர்.

- 

திருப்பரங்குன்றம், ஜூன் 29:

மதுரை மாநகராட்சி 96-ஆவது வார்டுக்கு உள்பட்ட ஹார்விபட்டி, எஸ்.ஆர்.வி.நகர் பகுதிகளில் 25 ஆயிரத்துக்கும் மேற்பட்ட குடும்பத்தினர் வசித்து வருகின்றனர். ஹார்விபட்டியில், ஹார்வி மில் தொழிலாளர்களுக்காக 1939-இல் வீடு கட்டும் சங்கம் ஏற்படுத்தப்பட்டு 604 வீடுகள் கட்டப்பட்டன. இங்கு வசித்த மில் தொழிலாளர்களின் குழந்தைகளுக்காக மில் கட்டுப்பாட்டில் கடந்த 1942-இல் இந்தப் பகுதியில் பள்ளி திறக்கப்பட்டு மாணவர்களுக்கு மதிய உணவும் வழங்கப்பட்டது.