மல்லையா, நீரவ் மோடியை நாடு கடத்தும் நடவடிக்கை: திகார் சிறையில் பிரிட்டன் குழுவினர் ஆய்வு

நீரவ் மோடி மற்றும் விஜய் மல்லையா போன்ற நாட்டை விட்டு தப்பியோடிய பொருளாதார குற்றவாளிகளை மீண்டும் இந்தியாவுக்குக் கொண்டு வருவதற்கான முயற்சிகளை மத்திய அரசு வேகப்படுத்தியிருப்பதாக அதிகாரி ஒருவர் ஞாயிற்றுக்கிழமை தெரிவித்தார்.

- நமது நிருபர்

நமது நிருபர் புதுதில்லி, செப்.7:

பிரிட்டனின் நீதித் துறையைச் சேர்ந்த அதிகாரிகள் குழு திகார் சிறையை அண்மையில் ஆய்வு செய்த நிலையில் அவர் இவ்வாறு குறிப்பிட்டார்.

இதுகுறித்து அந்த அதிகாரி மேலும் கூறுகையில், 'இந்தியாவின் நாடு கடத்தல் மனுக்களை முடிவு செய்வதற்கு முன்பு பிரிட்டன் நீதிமன்றங்களால் வகுக்கப்பட்ட சட்டத் தேவைகளைப் பூர்த்தி செய்வதற்காக சிறை நிலைமைகளை மதிப்பிடுவதை நோக்கமாகக் கொண்டு பிரிட்டன் குழுவினர் கடந்த வாரம் ஆய்வு நடத்தினர்' என்றார்.