சமூக நீதி குறித்துப் பேச திமுகவுக்குத் தகுதியில்லை

சமூக நீதி குறித்துப் பேச திமுகவுக்குச் சிறிதும் தகுதியில்லை என அதிமுக பொதுச் செயலர் எடப்பாடி கே. பழனிசாமி தெரிவித்தார்.

- 

மதுரை, செப். 3:

மதுரை பழங்காநத்தம், டி.எம். கோர்ட் பகுதிகளில் புதன்கிழமை நடைபெற்ற ‘மக்களைக் காப்போம், தமிழகத்தை மீட்போம்’ பிரசார நிகழ்ச்சியில் அவர் பேசியதாவது: வருகிற சட்டப்பேரவைத் தேர்தலில் கூட்டணி பலத்தால் வெற்றி பெற்றுவிடலாம் என திமுக தலைவர் மு.க.ஸ்டாலின் கருதுகிறார். ஆனால், அவரது பகல் கனவு பலிக்காது. மக்களை நம்பி களம் காணும் அதிமுக கூட்டணியே அனைத்துத் தொகுதிகளிலும் வெல்லும். காரணம், திமுக ஆட்சியின் மீது மக்கள் நம்பிக்கை இழந்து விட்டனர்.