நேரடித் தேர்வு மூலம் தேர்வான பட்டதாரி ஆசிரியர்களுக்கு பணி நியமனம்

தமிழக அரசுக்கு உயர்நீதிமன்றம் உத்தரவு

- 

சென்னை, செப். 2: நேரடித் தேர்வு மூலம் தேர்வு செய்யப்பட்ட பட்டதாரி ஆசிரியர்களுக்கு பணி நியமனம் வழங்க தமிழக அரசுக்கு சென்னை உயர்நீதிமன்றம் உத்தரவிட்டுள்ளது.

தமிழகத்தில் பட்டதாரி ஆசிரியர்கள் பணியிடங்களில் 50 சதவீதம் நேரடித் தேர்வு முறையிலும், 50 சதவீதம் பதவி உயர்வு அடிப்படையிலும் நிரப்பப்படுகின்றன. இந்த 50 சதவீத நேரடி நியமனத்தில் 2 சதவீத இடங்கள் ஆசிரியர்கள் அல்லாத பணியாளர்களைக் கொண்டு நிரப்பப்படும்.

அந்தவகையில் தமிழகத்தில் காலியாக உள்ள பட்டதாரி ஆசிரியர் பணியிடங்களை நேரடித் தேர்வு நடத்தி 2,511 பேர் தேர்வு செய்யப்பட்டனர். அவர்களுக்கு பணி நியமன உத்தரவு வழங்கும் நேரத்தில், சென்னை உயர்நீதிமன்றத்தில் ஆசிரியர் அல்லாத பணியாளர்கள் வழக்குத் தொடர்ந்தனர்.