வாக்குத் திருட்டு: ஹைட்ரஜன் குண்டு போன்ற உண்மைகள் அம்பலமாகும்

வாக்குத் திருட்டு தொடர்பாக ஹைட்ரஜன் குண்டு போன்ற உண்மைகளை காங்கிரஸ் கட்சி விரைவில் அம்பலப்படுத்தும் என்று அக்கட்சியின் முன்னாள் தலைவரும், மக்களவை எதிர்க்கட்சித் தலைவருமான ராகுல் காந்தி தெரிவித்தார்.

- 

பாட்னா, செப். 1: வாக்குத் திருட்டு தொடர்பாக ஹைட்ரஜன் குண்டு போன்ற உண்மைகளை காங்கிரஸ் கட்சி விரைவில் அம்பலப்படுத்தும் என்று அக்கட்சியின் முன்னாள் தலைவரும், மக்களவை எதிர்க்கட்சித் தலைவருமான ராகுல் காந்தி தெரிவித்தார்.

பிகாரில் வாக்காளர் பட்டியல் சிறப்பு தீவிர திருத்தப் பணியை தேர்தல் ஆணையம் மேற்கொண்டு வருகிறது.

இந்த நடவடிக்கையில் மோசடி நடப்பதாகக் கூறி அதற்கு எதிர்ப்பு தெரிவித்து வாக்குரிமைப் பயணத்தை காங்கிரஸ் கட்சி நடத்தியது. யாத்திரையின் இறுதி நிகழ்வு பாட்னாவில் திங்கள்கிழமை நடைபெற்றது. அதில் ராகுல் காந்தி பேசியதாவது: